"Анд-Энерги" ХК-ийн Хувьцаа эзэмшигчдийн ээлжит хурлын шийдвэр

АНД-ЭНЕРГИ ХУВЬЦААТ КОМПАНИ

(Хувьцааны код: AND)

“Анд-Энерги” ХК-ийн Хувьцаа эзэмшигчдийн ээлжит хурлыг 2024 оны 4 сарын 27-ны өдөр тус компанийн албан ёсны пэйж хуудсаар дамжуулан цахим хэлбэрээр нээлттэй зохион байгуулагдав. Хуралд “Анд-Энерги” ХК-ийн ТУЗ-ийн дарга, гишүүд, нарийн бичгийн дарга, гүйцэтгэх захирал, хувьцаа эзэмшигчдийн ээлжит хурлыг зохион байгуулах комисс болон тус компанийн 22 хувьцаа эзэмшигчид оролцлоо.

2024 оны 4 сарын 5-ний хувьцаа эзэмшигчдийн нэрсийн жагсаалт гаргах бүртгэлийн өдрийн байдлаар нийт 654 хувьцаа эзэмшигчид “Анд-Энерги” ХК-ийн 78,070,758 ширхэг хувьцааг эзэмшиж байгаагаас тус ээлжит хуралд 67.53% буюу 52,724,500 ширхэг хувьцааг эзэмшдэг 22 хувьцаа эзэмшигч оролцож, хурлын ирц бүрдэж хурал хүчин төгөлдөр болов.

Хурлийн дэгийн дагуу хэлэлцэх асуудлуудыг дарааллын дагуу танилцуулж, ТУЗ-ийн гишүүнд нэр дэвшигчдийн танилцуулга болон асуулт хариулт, санал хураалтын үйл ажиллагаа явагдсанаар дараах шийдвэр гарсан. Үүнд:

Анд-Энерги ХК-ийн 2023 оны үйл ажиллагааны тайланг дүгнэсэн Төлөөлөн удирдах зөвлөлийн дүгнэлт, 2023 оны санхүүгийн тайланг дүгнэсэн Төлөөлөн удирдах зөвлөлийн дүгнэлтийг тус тус батлав.
Анд-Энерги ХК-ийн Төлөөлөн удирдах зөвлөлийн ердийн гишүүдэд

Ганхуяг овогтой Түвшин
Далхаа овогтой Мөнхбаяр
Төмөрбат овогтой Барс
Цэнд-Аюуш овогтой Гүррагчаа

Төлөөлөн удирдах зөвлөлийн Хараат бус гишүүдэд

Дүүсүрэн овогтой Мөнхбат
Шинэхүү овогтой Эрдэнэцэцэг
Дашдаваа овогтой Боргио
Цэнддоо овогтой Алигэрмаа
Даваасамбуу овогтой Галхүү нарыг тус тус

2024 оны 4 сарын 27-ны өдрөөс эхлэн 2024 оны хувьцаа эзэмшигчдийн ээлжит хурал хүртэл 2 жилийн хугацаагаар сонгов.

Бүртгэлийн өдрийн байдлаар “Анд-Энерги” ХК-ийн нийт хувьцаа эзэмшигчдийн нэгж хувьцаанд 90 мөнгө буюу нийт 70,263,682.2 төгрөг (далан сая хоёр зуун жаран гурван мянга зургаан зуун наян хоёр төгрөг хорин мөнгө)-ний ногдол ашгийг мөнгөн хэлбэрээр компанийн хувьцаа эзэмшигчдэд хуваарилах тогтоолыг танилцуулав.

Хувьцаа эзэмшигчдийн хурлын дэлгэрэнгүй видео мэдээллийг “Анд-Энерги” ХК-ийн фейсбүүк пэйж хуудаснаас авах боломжтой.

“АНД-ЭНЕРГИ” ХК

2024 оны 4 сарын 27-ны өдөр

Орхон аймаг