Компанийн тухай хуулийн 75 дугаар зүйлийн 75.4, 79 дүгээр зүйлийн 79.1 болон “Анд-Энерги” ХК-ийн дүрмийн 10.3 дугаар зүйлд заасныг тус тус үндэслэн “Анд-Энерги” ХК-ийн Төлөөлөн удирдах
зөвлөлийн Хараат бус гишүүний сонгон шалгаруулалтыг зарлаж байна.
ТУЗ-ИЙН ЕРДИЙН БОЛОН ХАРААТ БУС ГИШҮҮНД НЭР ДЭВШИГЧИД
ТАВИГДАХ ҮНДСЭН ШААРДЛАГА:
- Санхүү эдийн засаг, инженер, эрх зүйч, бизнесийн удирдлага, нягтлан бодогч мэргэжлийн аль нэгийг эзэмшсэн байх /тухайн салбараар мэргэшсэн байвал давуу тал болно/;
- Тухайн хуулийн этгээдийн Төлөөлөн удирдах зөвлөлийн гишүүн байхад ашиг сонирхол үүсгэхгүй байх;
- Компанийн засаглалын сургалтад хамрагдаж гэрчилгээ авсан байх;
ХАРААТ БУС ГИШҮҮНД НЭР ДЭВШИГЧИД ТАВИГДАХ ШААРДЛАГА:
- Өөрөө, эсхүл нэгдмэл сонирхолтой этгээдтэй хамтран компанийн энгийн хувьцааны 5 (тав)-аас дээш хувийг эзэмшдэггүй, компанийн эрх бүхий албан тушаал эрхэлдэггүй байх;
- Компанийн Төлөөлөн удирдах зөвлөлийн бусад гишүүн, гүйцэтгэх удирдлагын багийн гишүүдтэй нэгдмэл сонирхолтой биш, тэдэнтэй садан төрлийн холбоогүй байх;
- Компанитай нэгдмэл сонирхолтой болон компанийн үйл ажиллагаанд оролцогч талуудын /хувьцаа эзэмшигчид хувьцааны багцыг эзэмшигч, хамтран ажиллагсад гэх мэт/ ашиг сонирхлыг төлөөлдөггүй байхаас гадна бизнесийн аливаа холбоогүй байх;
- Төрийн үйлчилгээний албан тушаалаас бусад төрлийн төрийн алба хашдаггүй байх;
СОНГОН ШАЛГАРУУЛАЛТАД ОРОЛЦОХЫГ ХЯЗГААРЛАХ НӨХЦӨЛ:
- Мэргэжлийн болон ёс зүйн ноцтой зөрчил гаргасан, тодорхой албан тушаал эрхлэх эсвэл үйл ажиллагаа явуулах эрхээ хасуулсан, шүүхийн шийдвэрээр хуулийн ямар нэгэн хариуцлага хүлээж байсан бол;
БҮРДҮҮЛЭХ МАТЕРИАЛ:
- Сонгон шалгаруулалтад оролцох хүсэлт /Нэр дэвшигчид тавигдах шаардлагыг хангасан тухай гараар бичсэн баталгаа болон хүсэлт/;
- Анкет (та энд дарж татаж авна уу);
- Боловсролын диплом, үнэмлэх, бусад сургалтад хамрагдсан гэрчилгээ, сертификатын хуулбар;
- Иргэний үнэмлэх хуулбар;
- Компанийн засаглалын сургалтын гэрчилгээний хуулбар;
СОНГОН ШАЛГАРУУЛАЛТЫН МАТЕРИАЛ ХҮЛЭЭН АВАХ ХАЯГ, ХУГАЦАА:
- Орхон аймаг, Баян-Өндөр сум, Уртын гол баг, Баян зам 3-4,6 тоотод байрлах “Анд-Энерги” ХК-ийн байр,
- Утас: 99363623 мөн erdenetledandenergy@gmail.com и-мэйл хаягаар ирүүлнэ үү. Материал хүлээн авах хугацаа: 2024 оны 3 дугаар сарын 20-ны өдрийн 13:00 цаг хүртэл
“АНД-ЭНЕРГИ ХК”-ИЙН ТУЗ-ИЙН ДЭРГЭДЭХ НЭР ДЭВШҮҮЛЭХ ХОРОО
7000-0501
