Финландын сансрын тагнуулын технологийн ICEYE болон Nokia хамтран Украинд Starlink-тэй өрсөлдөхүйц хиймэл дагуулын бие даасан систем хөгжүүлэхээр болов.
🤔 Starlink-н Финланд өрсөлдөгчид
Энэ сарын эхээр ICEYE, Nokia хамтран Starlink-тэй төстэй боловч захиалагч улс нь өөрөө эзэмшиж, удирдах хиймэл дагуулын холбооны систем хөгжүүлэхээр болсноо зарласан. Ингэхдээ ICEYE хиймэл дагуулын их бие, технологийн хариуцах бол Nokia холболтын найдвартай байдал сүлжээ талаас нь хариуцах аж.
🫂 Финландын дэмжлэг
Тус 2 компани хамтралаа зарласнаас ердөө 3 долоо хоногийн дараа Финландын Ерөнхий сайд Петтери Орпо Киевт айлчлах үеэр ICEYE болон Nokia Украины Батлан хамгаалах яамтай хамтын ажиллагааны санамж бичигт гарын үсэг зурсан юм.
🗞️ Шинээр хөгжүүлэх систем нь хиймэл дагуул, газрын станц болон хэрэглэгчийн терминалуудтай байх бөгөөд батлан хамгаалах салбараас гадна хилийн аюулгүй байдал, онцгой байдал, гамшгийн үеийн хариу арга хэмжээ зэрэгт ашиглах боломжтой аж.
👹 Starlink-гүй бол дуусаа!
Украин дайн эхэлснээс хойш дроны ажиллагаа, цэргийн холболт гэхчлэн дайны чухал дэд бүтцээ Starlink-д найдаж ирсэн. Гэтэл энэ сарын эхээр SpaceX (SPCX)-н цэргийн зориулалттай Starshield систем цагт 160 км-ээс хурдан хөдөлж буй терминалуудын холболтыг хязгаарлах тохиргоог ямар нэгэн мэдэгдэлгүй нэвтрүүлж, Украины зарим дроны холбоо тасарсан юм. Улмаар хэд хэдэн байлдааны даалгавар цуцлагдсаны сацуу Оросын тийрэлтэт дроны довтолгоог таслан зогсоох чадвар нь суларсан аж.
😢 Хэт хамаарал: Украин 2025 оны эхээр 42 мянга орчим Starlink-н терминал ашиглаж байсан бөгөөд дроны ажиллагаа, фронтын холбоо, хангамжийн чухал хэсэг нь уг системээс хамаардаг.
🔫 Гэтэл сүүлийн 2 жилд Трамп дайныг аль болох хурдан дуусгахын тулд Оросын талыг аялсан хандлага гаргаж буй нь Украйнд дайны гол системээ Америк компанийн гарт үлдээх нь эрсдэлтэй гэх дохиог өгч буй.
Эцэст нь… Хэдий Украин өөрийн хяналттай, найдвартай хиймэл дагуулын сүлжээтэй болохоор хөдөлж эхэлсэн ч анхны хиймэл дагуул нь 2028 онд хөөргөх төлөвтэй байгаа. Тэр болтол дайн үргэлжлэх эсэх нь тодорхойгүй. Ер нь л дэлхий даяар мэдээллийн ч бай, дэд бүтцийн ч бай техник, технологио улс өөрийн удирдлагад байлгах эрэлт нэмэгдэж, үүнийг дагасан бизнес ч цэцэглэх төлөвтэй.
7000-0501
