Монгол Улсын Шадар сайдын ажлын алба, Гадаад харилцааны яам болон Хөрөнгө оруулалт, худалдааны газар хамтран “Хөрөнгө оруулалтын эрх зүйн шинэчлэл ба боломжууд” сэдэвт хэлэлцүүлгээр 2026 оны 08 дугаар сарын 31-ний өдрөөс эхлэн хүчин төгөлдөр үйлчилсэн Эдийн засгийн эрх чөлөөний тухай хуулийн багцын хүрээнд Хөрөнгө оруулалтын тухай хуулийн нэмэлт, өөрчлөлтүүдийг дэлгэрэнгүй танилцууллаа. Энэхүү хуулийн нэмэлт өөрчлөлтөөр хөрөнгө оруулагчийн эрх ашгийг хамгаалах, бизнес эрхлэхэд тулгардаг хүндрэл, саадыг бууруулах, тогтвортой, нээлттэй хөрөнгө оруулалтын орчныг бүрдүүлэхэд чиглэсэн дараах зохицуулалтыг тусгасан байна.
Тухайлбал
1.ТАТВАРЫН ТОГТВОРЖУУЛАХ ГЭРЧИЛГЭЭ 20 ХҮРТЭЛ ЖИЛ
▪️ Хөрөнгө оруулалтын хэмжээнээс хамаарч 10, 15 эсвэл 20 жилийн хугацаатай гэрчилгээ олгоно. 100 тэрбум төгрөгөөс дээш хөрөнгө оруулбал 20 жил
▪️ Гэрчилгээний хугацаанд аж ахуйн нэгжийн орлогын албан татвар, НӨАТ, гаалийн албан татвар, ашигт малтмалын нөөц ашигласны төлбөр зэрэг 4 төрлийн татварын нөхцөл өөрчлөгдөхгүй
2.НОГООН ЧӨЛӨӨЛӨЛТ: ГААЛИЙН ТАТВАР 100% ЧӨЛӨӨЛНӨ
▪️ Сэргээгдэх эрчим хүч, дата төв, хиймэл оюун ухааны чиглэлийн хөрөнгө оруулалтын тоног төхөөрөмжийн импортыг гаалийн албан татвараас бүрэн чөлөөлнө
3.ЗЭЭЛИЙН ХҮҮГИЙН ТАТВАР 20% → 5%
▪️ Хөрөнгө оруулалтын сан, банк, санхүүгийн байгууллагуудын гадаад, дотоодын эх үүсвэрээс татсан зээл, өрийн хэрэгслийн хүүгийн орлогын татвар 4 дахин буурлаа
4.ГОМДЛЫГ 30 ХОНОГТ ШИЙДВЭРЛЭНЭ
▪️ Төрийн байгууллагын хууль бус үйлдэл, эс үйлдэхүйтэй холбоотой гомдлыг Хөрөнгө оруулалт, худалдааны газар 30 хоногт шийдвэрлэнэ
▪️ Хэлэлцээгээр шийдэгдээгүй маргааныг олон улсын арбитраар шийдвэрлүүлэх эрх баталгаажлаа
5.ОЛОН УЛСЫН ЖИШГИЙН ХАМГААЛАЛТ
▪️ Хөрөнгө оруулалтын баталгаа, эрх зүйн хамгаалалтыг олон улсын жишигт нийцүүллээ
▪️ Хөрөнгийг хууль бусаар хураахыг хориглож, хөрөнгө, орлогоо чөлөөтэй шилжүүлэх эрхийг баталгаажуулсан байна.
6. ОЛОН УЛСЫН ЖИШИГ ЗАРЧИМ
▪️ Шударга, тэгш, үл ялгаварлан хандах зарчмыг хуульчилсан
▪️ Хөрөнгийг хууль бусаар хураахыг хориглоно
▪️ Нийтийн эрх ашгийн үүднээс хөрөнгө авах тохиолдолд зөвхөн хуулийн журмаар, нөхөн олговортой авна
▪️ Хөрөнгө, орлогоо чөлөөтэй, саадгүй шилжүүлэх эрхтэй
Эдгээрээс гадна төр хувийн хэвшилтэй өрсөлдөж бизнес эрхлэхийг хуулиар хориглож, төрийн шалгалтыг зөвхөн эрсдэлд суурилж хийх, хуульд заагаагүй журам, актаар шалгалт тулгахыг хязгаарласнаар бизнесийн эрх чөлөөг бодитоор баталгаажуулах ач холбогдолтой.
7000-0501
